ABŞ ilə İran arasında aparılan danışıqlardan nəticə əldə olunmaması və neft qiymətlərindəki artım qızıl bazarına təsir edib.
Referans Media xəbər verir ki, güclənən dollar fonunda həm dünya bazarında, həm də daxili bazarda qızılın qiymətində enmə qeydə alınıb.
Analitiklərin fikrincə, Yaxın Şərqdə artan gərginlik və enerji qiymətlərinin yüksəlməsi inflyasiya və faiz gözləntilərini artırıb. Bu isə investor davranışına təsir göstərərək qızıl bazarında təzyiq yaradıb.
ABŞ dollarının möhkəmlənməsi də qızıl qiymətlərinin aşağı düşməsini sürətləndirib. Dolların bahalaşması digər valyutalardan istifadə edən investorlar üçün qızılı daha baha etdiyindən tələbat zəifləyib.
Son məlumatlara görə spot qızılın unsiyası təxminən 1 faiz ucuzlaşaraq 4 668 dollar səviyyəsinə düşüb. Hazırda unsiya qızıl 4 673 dollar ətrafında ticarət olunur. Qram qızıl isə təxminən 1 faiz dəyər itirərək geriləyib.
Donald Trampın İranın sülh təklifinə mənfi cavab verməsi ilə bağlı yayılan məlumatlar da bazarlarda risk iştahasını artırıb.
Ekspertlər bildirirlər ki, Hörmüz Boğazı ətrafında davam edən gərginlik enerji bazarlarında yeni dalğalanmalara səbəb ola bilər.
