Azərbaycan milli komandasının futbolçusu Ozan Can Kökçünün yeni klubu müəyyənləşib.
Referans Media xəbər verir ki, Türkiyənin "Vanspor" klubu 27 yaşlı təcrübəli yarımmüdafiəçinin transferini rəsmən ictimaiyyətə açıqlayıb. Tərəflər ikiillik rəsmi müqaviləyə imza atıblar.
Qeyd edək ki, Ozan Can Kökçü futbolun sirrlərini Niderlandın "Qroningen" və "Feyenoord" klublarında öyrənib. Daha sonra Türkiyənin "Bursaspor", "Giresunspor", Niderlandın "Vaalvayk", "Telstar", "Eyndhoven", Finlandiyanın HİK və Azərbaycanın "Sabah" klublarında çıxış edib. Onun son iş yeri Niderlandın "Volendam" klubu olub. O, Azərbaycanın əsas millisində 6 oyun keçirib.
