Viktor Osimhen bu mövsüm Qalatasaray forması ilə möhtəşəm performans göstərib. “Mançester Yunayted”in keçmiş oyunçusu Niki Batt isə Osimhenin İngiltərə nəhəngi üçün ideal transfer olduğunu bildirib və onu İngiltərə klubuna dəvət edib.
“Osimhen doğru seçimdir”
Referans Media xəbər verir ki, Batt Osimhenin güclü, sürətli və fərqli növ qollar vura bilən oyunçu olduğunu vurğulayıb:
“Onu “Mançester Yunayted”a dəvət edirəm. Məncə Osimhen doğru seçim olar. Türkiyə klublarından gələn oyunçular ucuz qiymətə olur. Transfer komandası yalnız ən yaxşı oyunçuları deyil, həm də qiymət-performans balansı yüksək olanları nəzərdən keçirməlidir.”
Güclü, sürətli və hava toplarında təsirli
Niki Batt əlavə edib ki, Osimhen “Mançester Yunayted”in transfer siyahısında üst sırada olmalıdır: “Osimhen; güclü, sürətli, müdafiəçilərin arxasına sızmağı bacaran, topa nəzarəti yaxşı, fərqli növ qollar vura bilən və hava toplarında təsirli bir oyunçudur. Belə bir oyunçuya investisiya qoymaq “Mançester Yunayted” üçün çox məntiqlidir.”
Viktor Osimhen bu mövsüm Qalatasaray forması ilə 29 oyunda iştirak edib, 19 qol vurub və 7 assist edib. Bu göstəricilər onun Avropanın böyük klubları üçün nə qədər cəlbedici bir oyunçu olduğunu göstərir.
