3x3 basketbol üzrə qadın millimiz Polşanın paytaxtı Varşava şəhərində keçirilən Dünya Çempionatının 1/4 finalında Almaniya seçməsinə qarşı oyuna çıxıb.
Referans Media xəbər verir ki, qızlarımız görüşün əvvəllərində hesabda geridə olsalar da, daha sonra Brianna Freyserin dominant oyunu sayəsində geridönüş edib rəqibinə 18:16 hesabı ilə qalib gələrək yarımfinala vəsiqə qazanıblar.
Qeyd edək ki, millimiz yarımfinalda Fransa - ABŞ cütünün qalibi ilə qarşılaşacaq.
Yarımfinal və final oyunları 7 iyunda baş tutacaq.
