AFFA-nın bayrağı altında keçirilən Gənclər Liqasında II mərhələnin IV və V tur qarşılaşmaları təxirə salınıb.
Referans Media bildirir ki, bu barədə assosiasiyanın mətbuat xidmətindən məlumat verilib.
Matçların ertələnməsinə əsas səbəb kimi Azərbaycanın U-20 milli komandasının aprelin 13-dən 26-dək Qəbələ şəhərində reallaşdıracağı təlim-məşq toplanışı göstərilib.
Beləliklə, ilkin olaraq aprelin 18-19 və 25-26-da oynanılması planlaşdırılan idman görüşləri qeyri-müəyyən müddətədək təxirə salınıb.
