Türkiyənin İstanbul şəhərində güclü yağış və leysan nəticəsində problemlər yaranıb.
Referans Media Türkiyə mediasına istinadən xəbər verir ki,Meteorologiya Baş İdarəsinin xəbərdarlıqlarından sonra, 27 sentyabr bazar günü axşamı şəhərin bəzi ərazilərində başlayan güclü yağış fasilələrlə davam edir.
Yağış küçə və yollarda su yığılmasına səbəb olub, bəzi yeraltı keçidləri, evləri və müəssisələri su basıb.
Sultanbəyli və Pendikdə bəzi küçə və yollarda su yığılması səbəbindən nəqliyyatın hərəkətində fasilələr yaranıb və sürücülər ehtiyatla hərəkət ediblər.
Kadıköydə bir binanın bağçasındakı ağac kökündən qoparılaraq park edilmiş avtomobilin üzərinə düşüb. Hadisə yerinə yanğınsöndürənlər göndərilib, təhlükəsizlik tədbirləri görülüb və ağacın çıxarılması üçün işlərə başlayıblar.
Pendikdə yağış bir binanın qapalı dayanacağını su basıb. Suyu boşaltmaq üçün işlərə başlayıblar.
Kartalda iki mərtəbəli bir ev yağış səbəbindən su altında qalıb.
Hürriyət məhəlləsində yağış səbəbindən bir küçədə su yığılıb. Daşan su küçənin altında yerləşən iki mərtəbəli bir evə daxil olub. Dünən evin zirzəmisində yığılan suyun boşaldılması üçün iş aparılıb. Davam edən yağışlar səbəbindən evdəki su yuxarı mərtəbəyə yayılıb.
Sel səbəbindən evə ziyan dəyib.
Bölgələr evdən və küçədən suyu boşaltmaq üçün işə başlayıb.
