ABŞ-də qeyri-qanuni miqrasiya ilə bağlı müzakirələr davam etdiyi bir vaxtda Prezident Donald Tramp administrasiyasının sərhəd siyasətini yenidən müdafiə edib.
Referans Media xəbər verir ki, Donald Tramp Las-Veqasda keçirilən tədbirdə çıxışı zamanı ABŞ-a qanunsuz miqrant girişinin dayandırıldığını iddia edib.
Tramp bildirib ki, vəzifəyə başladıqdan qısa müddət sonra ölkəyə qanunsuz miqrant axınının qarşısını alıb və son 15 ay ərzində ABŞ-a bir nəfər də qanunsuz miqrantın daxil olmadığını irəli sürüb.
O, həmçinin cinayət törədən qeyri-qanuni miqrantların deportasiyasının davam etdiriləcəyini vurğulayaraq, ABŞ Miqrasiya və Gömrük Mühafizəsi Xidmətinin (ICE) fəaliyyətini dəstəklədiyini bildirib.
Tramp çıxışı zamanı İspaniyada miqrantlarla bağlı baş verən hadisələrə də toxunaraq, ABŞ-da oxşar vəziyyətin yaranmasına imkan verməyəcəklərini qeyd edib.
