Argentina hakimiyyəti ilin sonuna qədər azı 350.000 dollar investisiya müqabilində vətəndaşlıq üçün müraciətləri qəbul etməyə başlayacaq.
Referans Media xəbər verir ki, bu barədə ölkənin İqtisadiyyat Nazirliyi məlumat yayıb.
"2026-cı ilin dördüncü rübündə müraciətlərin qəbuluna başlayacaq proqram iki sadə və şəffaf mexanizm təklif edir: milli xəzinəyə 350.000 dollar məbləğində birbaşa, geri qaytarılmayan töhfə; və ya xüsusi olaraq bu proqram üçün buraxılmış 800.000 dollar məbləğində dövlət istiqrazlarının alınması" - məlumatda qeyd olunur.
Sxem həmçinin əsas ərizəçinin ailə üzvlərinə vətəndaşlıq verilməsi imkanını da nəzərdə tutur. Məlumatda deyilir: "Əsas ərizəçi, onun həyat yoldaşı və iki azyaşlı uşağından ibarət standart ailə ümumilikdə 500.000 dollar yatırım qarşılığında Argentina vətəndaşlığına müraciət edə biləcək".
Nazirlik bildirib ki, vətəndaşlıq üçün müraciət edənlər vəsaitlərinin qanuni mənşəyinin təsdiqlənməsi, cinayət qeydlərinin olmaması və hər hansı "nüfuz riskləri" daxil olmaqla, ilkin yoxlamadan keçəcəklər. Nazirlik bildirib ki, alınan resurslar Argentina Respublikasının maliyyə vəziyyətini daha da gücləndirmək üçün istifadə olunacaq./Teleqraf
