Bakıda ailə daxilində baş verən mübahisə faciə ilə nəticələnib.
Referans xəbər verir ki, 1992-ci il təvəllüdlü F. Baxışova qonaq getdiyi dayısının evində onunla mübahisə edib. Anidən gərginləşən mübahisə davaya çevrilib və nəticədə dayısı qadını qarın nahiyəsindən bıçaqlayıb.
F. Baxışova dərhal xəstəxanaya çatdırılıb. Həkimlərin operativ müdaxiləsi nəticəsində o, ağır əməliyyata alınıb və həyatını xilas etmək mümkün olub. Hazırda onun vəziyyətinin stabil olduğu bildirilir.
Hadisə ilə bağlı hüquq-mühafizə orqanları tərəfindən araşdırma aparılır. Qadının dayısı polis əməkdaşları tərəfindən saxlanılıb və barəsində müvafiq tədbirlər görülür.
