Vladimir Zelenski gizli şəkildə Alyaskaya gələrsə, Donald Tramp və Vladimir Putin arasında Ukrayna münaqişəsinin sülh yolu ilə həlli üzrə danışıqlar prosesi uğursuzluğa düçar olacaq.
Referans xəbər verir ki, bu fikri ABŞ ordusunun istefada olan polkovniki, hərbi ekspert Daniel Devis bildirib.
O bildirib ki, ABŞ administrasiyasının iki dövlətin prezidentlərinin sammiti zamanı Zelenskinin Alyaskaya gəlişini asanlaşdıra biləcəyi ehtimalı var.
“Ağ Evin Zelenskini iştirakını gizli saxlayaraq onu bu görüşə sövq edəcəyinə dair kifayət qədər sübutlar var. Aydındır ki, bundan sonra Rusiya ilə dialoq məhvə məhkum olacaq”, – Devis qeyd edib.
Xatırladaq ki, avqustun 15-də Putin-Tramp sammiti Alyaskadakı Elmendorf-Rişardson hərbi bazasında baş tutacaq. /publika.az
