Reuters xəbər verir ki, BMW Çindəki pərakəndə satış filialına Rusiyaya avtomobil ixrac etməməyi tapşırıb. Bununla belə, şirkət qeyd edib ki, əgər avtomobillər ölkəyə “boz” idxal kimi daxil olarsa, onlar buna cavabdeh deyillər. Agentlik qeyd edib ki, sanksiyalar tətbiq edən ölkələrdə Mercedes-Benz, Volkswagen və digər avtomobil istehsalçıları tərəfindən oxşar qadağalar tətbiq edilib, lakin potensial pozuntuların araşdırılması çətin və vaxt aparan bir məsələdir.
Beləliklə, Toyota, Mazda və Almaniyanın lüks avtomobilləri Rusiyaya gətirilməyə davam edir. İxracın bir hissəsi rus dilerlərinə Çin vasitəçilərinin köməyi ilə qeyri-rəsmi şəbəkələrdən daxil olur.
Çindən Rusiyaya ixrac edilən avtomobillərin əksəriyyəti Çində istehsal olunub, çünki bir çox beynəlxalq brendlər yerli tərəfdaşlarla birgə avtomobil istehsal edir. Bundan əlavə, mənbələrdən alınan məlumatlara və şərhlərə görə, bəzi avtomobillər digər ölkələrdə istehsal edildikdən sonra Çindən tranzit olaraq keçir. Bu tendensiya Çin avtomobil bazarındakı əhəmiyyətli subsidiyalar və güclü rəqabətdən irəli gəlir ki, bu da avtomobil istehsalçılarına və dilerlərə satış rəqəmlərini şişirtməyə, dövlət maliyyə yardımı almağa və artıq avtomobilləri ixrac etməyə imkan verir. Avropa, Yaponiya və Cənubi Koreya avtomobillərini Rusiyaya göndərən Çin treyderləri onları işlənmiş kimi təsnif edir və bu da Rusiyada satış üçün istehsalçının təsdiqinə ehtiyacı aradan qaldırır.
Sima Babayeva
