“Kollektiv Təhlükəsizlik Müqaviləsi Təşkilatı (KTMT) ölkələri Ermənistanı təşkilatın tamhüquqlu üzvü hesab etməkdə davam edir, amma bu status təşkilat daxilində bütün öhdəliklərə əməl olunmasını nəzərdə tutur”.
Referans xəbər verir ki, bunu jurnalistlərə Rusiyanın xarici işlər naziri Sergey Lavrov KTMT Xarici İşlər Nazirləri Şurasının Qırğızıstanda keçirilən iclasının yekunları üzrə deyib.
“Ermənistanı hələ də bu təşkilatın tamhüquqlu üzvü hesab edirik, amma tamhüquqlu üzvlük iştirak və KTMT sənədlərindən irəli gələn bütün öhdəliklərə əməl etməyi nəzərdə tutur. Yeri gəlmişkən, rüsumların ödənilməsi də daxil olmaqla”, – nazir qeyd edib.
