Son
günlər Bakıətrafı qəsəbələrdə su və işıq təminatında ciddi nasazlıqlar müşahidə
olunur. Xüsusilə isti yay günlərində fasilələrlə verilən içməli su və tez-tez
baş verən elektrik kəsintiləri sakinlərin gündəlik həyatına mənfi təsir göstərir.
Problem əsasən Binə, Hövsan, Sabunçu və Sulutəpə kimi yaşayış məntəqələrində
özünü daha qabarıq şəkildə göstərir. Sakinlər məsələ ilə bağlı aidiyyəti
qurumlardan aydın və davamlı həll yolları gözləyir.
Sözügedən
sahədə problemlərin həlli üçün hansı addımlar atılmalıdır? Bu sahədə özəlləşmə
effektiv ola bilərmi?
Milli
Məclisin deputatı Fazil Mustafa Referans-a açıqlamasın bu sualları
cavablandırıb.
“Əvvəllər
bu istiqamətdə müəyyən qədər sabitləşmə mövcud idi. İndi isə həqiqətən də
problemlər yaranır. Bunun da müəyyən dərəcədə təhlil olunmasına, səbəbinin
tapılmasına ehtiyac var. İndi müasir dövrdür və bu məsələlər bu formada
aktuallaşmamalı idi. Son 7-8 ildə bu istiqamətdə şikayətlər də azalmışdı amma
hazırda yenidən bu şikayətlər artmağa başlayıb. Buna görə də bu sahədə məsələlərin
mütləq şəkildə təhlil edilməsinə ehtiyac var. Təkcə təhlillə qalmaq olmaz, təbii
ki, səbəb nədirsə aydınlaşdırılmalı və tez bir zamanda aradan qaldırılmasına
çalışmaq lazımdır”.
Deputat
bildirib ki, Azərbaycanda sözügedən sahədə özəlləşmənin tətbiq edilməsi müəyyən
səbəblərdən effektiv olmaya bilər.
“Açığı,
özəlləşmə ilə məsələnin düzələcəyini düşünmürəm. Özəlləşmə iə daha keyfiyyətli
xidmətin təmin olunacağına əmin ola bilmərik. İstər su, istərsə də elektrik sahəsində
çox böyük islahatlar aparılıb. Məncə, elə bu formada da məsələləri yoluna
qoymaq mümkündür. Yəqin ki, artıq müvafiq qurumlar bu məsələ ilə bağlı
narahatlıqları aradan qaldırmağa başlayıblar”.
Fidan
Vəlisoy
