Gürcüstanda Dövlət Təhlükəsizlik Xidmətinin keçmiş rəhbəri Qriqol Liluaşvili saxlanılıb.
Referans Media xəbər verir ki, bu barədə baş prokuror Giorgi Qvarakidze brifinqdə bildirib.
Onun sözlərinə görə, Liluaşvili dindirilmək üçün prokurorluğa aparılıb. İstintaqdan sonra xüsusi xidmət orqanının keçmiş rəhbərinin saxlanılması barədə qərar qəbul edilib.
Müstəntiqlər Liluaşvilini rüşvətxorluq da daxil olmaqla bir neçə maddədə ittiham edirlər.
Günahkar bilinərsə, keçmiş məmur 11 ildən 15 ilə qədər həbs cəzası ilə üzləşə bilər./Musavat.com
