Sınaq müddətinin müəyyənləşdirilməsi qanunvericiliklə konkret hallarda və müddətlərlə tənzimlənir.
Referans Media xəbər verir ki, bunu “Dövlət Əmək Müfəttişliyi Xidmətinin 2025-ci il üzrə gördüyü işlər və 2026-cı il üçün hədəfləri” mövzusunda mətbuat konfransında Xidmətin rəisi Vəli Quliyev jurnalistlərin suallarını cavablandırarkən deyib.
Onun sözlərinə görə, bu hallarda əmək müqaviləsinin müddətindən və ya müddətsiz olmasından asılı olaraq dəyişmir:
“Həmin hallar elektron müstəvidə tam olaraq avtomatik şəkildə yoxlanılır. Sınaq müddəti ilə bağlı qanunvericilikdə nəzərdə tutulandan aşağı məbləğdə ödəniş verilməsi ümumiyyətlə mümkün deyil. Hazırda sistem buna icazə vermir”.
