Hindistanda özəl aviaşirkətin pilotu həmkarı olan 23 yaşlı stüardessaya təcavüz etməkdə günahlandırılıb.
Referans xəbər verir ki, bu barədə NDTV məlumat yayıb.
İddia edilən cinayət pilotun Mumbay yaxınlığındakı Mira Road bölgəsindəki evində, onlar Londondan birlikdə qayıtdıqdan az sonra baş verib.
Polisin məlumatına görə, Londona uçuşdan sonra stüardessa və pilot birlikdə Mira Roada gediblər. Hər ikisi həmin ərazidə yaşayırlar, amma ayrı-ayrı evlərdə. Zərərçəkənin dediyinə görə, pilot ondan qısa bir ziyarət üçün evinə gəlməyi xahiş edib.
Pilotun evinə gələn qız otaqda heç kimin olmadığını aşkar edib, bundan sonra həmkarı onu zorlayıb.
Faktla bağlı Navgar RPŞ-də cinayət işi açılıb. Hazırda şübhəli şəxs axtarılır.
