Türkiyədə Sosial Müdafiə Təşkilatı saxta sığorta yolu ilə qanunsuz şəkildə pensiya alanlarla bağlı araşdırmaları gücləndirib. Son
iki ildə aparılan yoxlamalar nəticəsində 2023-cü ildə 89 min, 2024-cü ildə isə 100 minə yaxın şəxsin sığortası ləğv olunub.
Bəs, Azərbaycanda da bu cür hallar aşkarlanarsa, artıq ödənilmiş pensiya vəsaiti geri tələb oluna bilərmi?
Referans xəbər verir ki,məsələ ilə bağlı iqtisadçı Xalid Kərimli KONKRET.az-a açıqlamasında bildirib ki, ölkə qanunvericiliyi bu
məsələyə açıq şəkildə aydınlıq gətirir.
Xalid Kərimli: Bu Naxçıvan üçün çox uğurlu mode…
“Əgər düzgün hesablanmayan, saxta sənədlərlə və ya hüquqi əsas olmadan təyin olunmuş pensiya aşkarlanarsa, ödənilmiş
məbləğ son qəpiyinə qədər geri alınır. Bu, ya şəxsin növbəti pensiyalarından tutulur, ya da ümumiyyətlə pensiya hüququ
yoxdursa, onun digər gəlirlərinə yönəldilir. Qanun bunu tələb edir və aidiyyəti orqanlar həmin məbləği geri alırlar,” – deyə ekspert
vurğulayıb.
