İsrail ordusu Aralıq dənizində Krit adası yaxınlığında hərəkət edən Qlobal Sumud Donanması tədbirinə müdaxilə edib. Donanma Qəzzaya insani yardım çatdırmaq və bölgədəki blokadaya diqqət çəkmək məqsədi ilə yola çıxmışdı.
Referans Media xəbər verir ki, İsrail hərbi dəniz qüvvələri donanmaya aid bir neçə gəmiyə yaxınlaşaraq qayıqlara çıxıb və aktivistləri nəzarət altına alıb. Hadisə zamanı bəzi aktivistlərin silah gücü ilə göyərtəyə yönləndirildiyi iddia olunub.
Donanma üzvləri müdaxilədən əvvəl təhlükəsizlik məqsədilə gəmilərdə işıqları söndürdüklərini bildiriblər. Lakin buna baxmayaraq İsrail qüvvələrinin əməliyyatı davam etdirildiyi qeyd olunur.
Hadisə zamanı donanmada olan İrlandiyanın Prezidenti Ketrin Konnollinin bacısı Marqaret Konnolli də açıqlama verib. O, İrlandiya hökumətinə çağırış edərək Şennon Hava Limanının ABŞ hərbi qüvvələri tərəfindən istifadəsinə son verilməsini tələb edib. Konnolli, bu infrastrukturun hərbi məqsədlərlə istifadəsinin dayandırılmasını istəyib.
O həmçinin bildirib ki, donanmaya müdaxilə ediləcəyi halda həm iştirakçıların, həm də bölgədəki digər tərəflərin azadlığa buraxılması tələb olunmalıdır və missiyanın tamamilə sülh məqsədli olduğunu vurğulayıb.
Qlobal Sumud Donanması 26 apreldə İtaliyanın Siciliya adasından yola çıxmış və Qəzzaya humanitar yardım çatdırmağı hədəfləmişdi. Daha əvvəlki oxşar təşəbbüslərin də İsrail tərəfindən dayandırıldığı xatırladılır.
Hadisə beynəlxalq arenada Qəzza blokadası və humanitar yardım girişi ətrafında gərginliyi yenidən gündəmə gətirib.
