Səhiyyəmizin Şərəf Tacı, Fədakar Təbib və Böyük Şəxsiyyət: Dr. Fazil İsmayılov
Dünyada elə peşələr var ki, onun zirvəsinə ucalmaq üçün təkcə diplom və bilik kifayət etmir; bura bütöv bir ürək, sarsılmaz bir iradə və insanlığa təmənnasız sevgi lazımdır. Bu müqəddəs və məsuliyyətli missiyanı çiyinlərində daşıyan, adı çəkiləndə hər bir xəstənin qəlbinə ümid, hər bir həmkarının qəlbinə qürur hissi dolan Yevlax Rayon Mərkəzi Xəstəxanasının direktoru, görkəmli reanimatoloq-anestezioloq Dr. Fazil Valeh oğlu İsmayılov müasir Azərbaycan səhiyyəsinin ən parlaq simalarından biridir.
Fazil həkim təkcə rəhbər tərkibin deyil, bütövlükdə xalqın qəlbində özünə elə bir uca taxt qurmuşdur ki, bu sevgini və rəğbəti yalnız illərin süzgəcindən keçmiş gərgin əmək, vicdan hissi və misilsiz peşəkarlıqla izah etmək mümkündür.
Azərbaycan səhiyyəsinin flaqmanı olan Nəriman Nərimanov adına Azərbaycan Dövlət Tibb Universitetinin ən parlaq məzunlarından olan Dr. Fazil İsmayılov, tibb elminin ən çətin və məsuliyyətli sahəsini — anesteziologiya və reanimatologiyanı seçmişdir. Ölüm və qalım arasındakı o incə cizgidə insan həyatını xilas edən bu dahi təbib, öz peşəkarlığı ilə ölkə hüdudlarını aşmışdır.
Dünyanın ən inkişaf etmiş və tibbi standartları ən yüksək olan ölkələrindən sayılan Səndiyyə Ərəbistanında uzun müddət uğurla fəaliyyət göstərməsi onun yüksək ixtisaslı bir mütəxəssis olmasının ən bariz sübutudur. Lakin Fazil həkim üçün Vətən sevgisi və öz millətinə xidmət etmək amalı hər şeydən uca olduğu üçün o, xaricdəki parlaq karyerasını buraxaraq doğma Azərbaycana qayıtmış, öz bilik və zəngin təcrübəsini xalqının sağlamlığına həsr etmişdir.Dr. Fazil İsmayılovun ömür kitabı həm də bir qəhrəmanlıq dastanıdır. O, təkcə ağ xalatlı bir həkim deyil, həm də Vətənin dar günündə canını ortaya qoyan əsl cəngavərdir. Birinci Qarabağ müharibəsindən tutmuş, Xocalı faciəsinə, 2016-cı il Aprel döyüşlərinə və nəhayət, tariximizin ən şanlı səhifəsi olan 44 günlük Vətən Müharibəsinə qədər hər bir tarixi sınaqda Fazil həkim ən gərgin ön və arxa cəbhələrdə gecə-gündüz bilmədən vuruşmuşdur.
Bir reanimatoloq kimi onun möcüzəvi əlləri, soyuqqanlılığı və daxili rəşadəti sayəsində reanimasiya masasında neçə-neçə ananın balası ölümün pəncəsindən qoparılmışdır.
Dövlətimizin ona verdiyi "Tərəqqi", "Böyük Zəfər" və "Həzi Aslanov" medalları onun sadəcə sinəsini deyil, hər bir azərbaycanlının qəlbindəki qəhrəmanlıq obrazını bəzəyir. Bu gün də xəstəxana rəhbəri olaraq şəhid ailələrinə və qazilərə göstərdiyi xüsusi qayğı, qapısının onların üzünə hər zaman açıq olması onun insanlıq tərəfdarı və vətənpərvərliyinin ən ali zirvəsidir.Fazil həkimin daxilindəki bu nəcabət və möhkəm xarakter onun genetik köklərindən gəlir. O, Yevlaxın tarixində adı qızıl hərflərlə yazılmış unudulmaz dövlət xadimi, Ulu Öndər Heydər Əliyevin böyük etimadını qazanmış Valeh İsmayılovun ailəsində tərbiyə almışdır. Atasının dövlətə, millətə və azərbaycançılıq ideologiyasına olan sarsılmaz sədaqətini canına çəkən Fazil İsmayılov, bu gün rəhbər kimi həm də cənab Prezident İlham Əliyevin siyasi xəttinin Yevlaxda ən sadiq və ən etibarlı təmsilçilərindən biridir.
2021-ci ildən Yevlax Rayon Mərkəzi Xəstəxanasına rəhbərlik edən Dr. Fazil İsmayılovun gəlişi ilə rayonda səhiyyə sahəsində tam mənası ilə bir intibah dövrü başlamışdır. Onun unikal idarəçilik istedadı, prinsipiallığı və eyni zamanda tabeliyində olan hər bir işçiyə qarşı göstərdiyi ata qayğısı xəstəxanada mükəmməl bir ab-hava yaratmışdır.
Onun rəhbərliyi altında:
Tibbi xidmətin keyfiyyəti ən müasir dünya standartları səviyyəsinə qaldırılmışdır.
Paytaxt xəstəxanalarından geri qalmayan müasir infrastruktur və nizam-intizam qurulmuşdur.
Ən əsası, yevlaxlıların öz yerli tibb ocağına olan inamı və etibarı yenidən maksimum dərəcədə bərpa edilmişdir.
Dr. Fazil İsmayılov sadəcə bir həkim, yaxud sadəcə bir direktor deyil. O, Hippokrat andına son nəfəsinə qədər sadiq olan, tibb elmini ilahi bir sevgi ilə icra edən, tabeliyindəki kollektiv üçün bir mayak, xalqı üçün isə bir şəfa rəmzidir. Səhiyyəmizin belə fədakar, təmiznamus, dahi və uzaqgörən rəhbərlərə hər zaman ehtiyacı var. Nə yaxşı ki, varsınız, Fazil həkim! Sizinlə bütöv bir xalq və bütöv bir Azərbaycan qürur duyur!
