“Megastore” mağazalar şəbəkəsi inzibati qaydada cərimə olunub.
Referans Media xitab24.az-a istinadən xəbər verir ki, buna vətəndaş şikayəti səbəb olub.
Belə ki, İlkin Tağıyev adlı vətəndaş Antiinhisar və İstehlak Bazarına Nəzarət Dövlət Agentliyinə “Megastore”da 1 litrlik “Sirab” adlı qazsız suyun qiymət kağızında qiymətinin 0.89 manat göstərildiyi halda kassada 1 AZN-ə satıldığını bildirib.
Araşdırmalarla fakt təsdiqini tapıb və “Megastore” barəsində İnzibati Xətalar Məcəlləsinin 447.0.1 maddəsi ilə protokol tərtib edilib. Yasamal Rayon Məhkəməsinin qərarına əsasən, şirkət 4000 manat cərimələnib.
Şirkət qərarda apellyasiya şikayət versə də, bu, təmin olunmayıb.
