Bu gün Azərbaycan Premyer Liqasında IV tura start veriləcək.
Referans.az xəbər verir ki, ilk oyun günündə iki matç keçiriləcək.
Tur Qəbələdə başlayacaq. “Kəpəz” burada “Araz-Naxçıvan”ı qəbul edəcək. İlk 3 turdan məğlub ayrılan və turnir cədvəlində sonuncu olan Gəncə təmsilçisinin sensasiyaya imza atacağı inandırıcı görünmür.
Günün növbəti görüşü ötən mövsümü ilk 2 pillədə bitirmiş “Qarabağ” və “Zirə” arasında olacaq. “Azersun Arena”dakı matçda ev sahibləri favorit sayılsalar da, qonaqların xal alması mümkündür.
Misli Premyer Liqası, IV tur
12 sentyabr (cümə)
17:45. “Kəpəz” – “Araz-Naxçıvan”
Baş hakim: Rauf Cabarov
Qəbələ şəhər stadionu
20:00. “Qarabağ” – “Zirə”
Baş hakim: Rəşad Əhmədov
“Azersun Arena”.
