Misli Premyer Liqasında XXVIII turun daha bir oyunu keçirilib.
Referans Media Metbuat.az-a istinadən xəbər verir ki, günün ikinci matçında “Qarabağ” “Sabah”la üz-üzə gəlib.
Tofiq Bəhramov adına Respublika stadionundakı qarşılaşma Masazır təmsilçisinin qələbəsi ilə yekunlaşıb – 1:0.
45-ci dəqiqədə Abdulla Xaybullayev fərqlənib. Yarımmüdafiəçi 46-cı dəqiqədə qırmızı vərəqə alaraq meydandan qovulub.
Xallarının sayını 69-a çatdıran “Sabah” çempionluğa daha da yaxınlaşıb. İkinci sıradakı “Qarabağ”ın 56 xalı var. Ağdam klubunun ehtiyatda bir matçı qalıb.
Günün ilk görüşündə “Karvan-Yevlax” “Şamaxı”nı minimal hesabla üstələyib – 1:0.
Xatırladaq ki, tura aprelin 19-da yekun vurulacaq. Ötən gün “Turan Tovuz” “Araz-Naxçıvan”ı üç cavabsız qolla üstələyib. “Zirə” – “Neftçi” matçında qalib müəyyənləşməyib – 1:1.
