Türkiyənin Rusiyaya meyvə-tərəvəz daşıyan “Ro-ro” gəmisi Qara dənizdə dron hücumuna məruz qalıb.
Referans Media xəbər verir ki, bu barədə yerli media məlumat yayıb.
“Hücumda üçü türk olmaqla, dörd heyət üzvü yaralanıb”, – məlumatda bildirilib.
Gəmi Samsundan Rusiyanın Novorossiysk şəhərinə istiqamətlənirdi.
Gəminin kapitanı Yalçın Şahin hücumun Ukrayna tərəfindən edildiyini irəli sürərək, 6-7 drondan istifadə olunduğunu açıqlayıb.
Hücumdan sonra baş verən yanğına gəmidəki heyət müdaxilə edərkən, bölgədə olan dronlar Rusiya Donanmasının yardım üçün gəmiyə yaxınlaşmasını çətinləşdirib./Globalinfo.az
